GUMIL Metro Manila

Maipakaammo a maangay ti general membership meeting ti GUMIL Metro Manila (GMM), ti gunglo dagiti mannurat nga Ilokano iti Metro Manila ken kabangibangna a probinsia, iti ala una iti malem ti Enero 30, 2010 iti pagtaengan da Manong Martin ken Manang Marilyn Rochina iti Lot 5, Block 75, Blue Boz St., Rizal, Makati City (02-792-7567; 0917-997-1064).

Manamnama a mapagpapatangan dagiti sumaganad: kandidata iti Mrs. GUMIL Filipinas 2010; pannakapataud ti gatad para iti maysa a pannangan iti GF Convention inton Abril 9-11, 2010 iti Currimao, Ilocos Norte; pannakapabiag ti GMM Coop; pannakaipablaak ti GMM Anthology ken Saluyot; ken panag-fillup iti GF membership form update.

IPAPAN ITI PAGTAENGAN ROCHINA:

Iti akin-uneg a Jollibee iti Guadalupe, aglugan iti dyip a nagkaratula iti FTI. Bumaba iti overpass iti Blue Boz St. Bumallasiw iti nasao nga overpass. Serken ti Blue Boz St. Iti maikadua a kanto iti kanigid, sumrek. Turongen ti natayag a balay iti Lot 5, Block 75 a mangtangtangad kadagiti eroplano a mapan-pumanaw iti NAIA.

No mapukaw, teksan wenno awagan ni Mang Martin iti numero iti ngato. Kumporme met latta no ania ti mabitbityo a masaramsam; nasaysayaat pay no adda ibulon iti Fundador ni Mang Sonny Abrajano.

Popularity: 27% [?]

Maitultuloy ti serye ti innadal a gannuat ti GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, para kadagiti kamengna ken kadagiti interesado nga agkameng iti nasao a gunglo.

Iti seryena itoy Enero 17, 2010, 1-5 P.M., iti 14 Juan Luna St. Area 2, UP Campus, Diliman, Quezon City, manamnama nga agsarita da CCP Gawad ng Dangal ng Lahi recipient Juan S.P. Hidalgo Jr.., ken Bannawag Lit. Editor Juan Al. Asuncion mainaig iti ababa a sarita.

Kadagiti interesado a dumar-ay, ag-text-da iti 0918-7458792 wenno umawag iti 400-0089 agingga iti Enero 15, 2010 para iti pannakaisagana dagiti masapsapul.

Mainaig itoy, agawaten ti Education Committee ti GMM kadagiti daniw, sarita ken sarilaysay (creative non-fiction) a manamnama a ma-workshop kadagiti sumaruno a serye ti innadal. Ipatulod babaen ti e-mail ti soft copy dagiti sinurat iti arieltabag@yahoo.com, wenno ikoreo dagiti manuskrito iti #5 Cruz Apt., Arty 1 cor. Piko Sts., Talipapa, Novaliches, Quezon City. (Ma. Rose A. Cabie)

Popularity: 15% [?]