GUMIL Metro Manila

Ni HERACLES LORD BERNARDO A. CABIE
–Pinili, Ilocos Norte

81
daytoy gitarrak
mangted adu a ragsak,
pangkeltay liday.

82
adda namnama
no tao siririing,
di matmaturog.

83
dagitoy kuerdas
buklendat’ kinataok
a gitarista.

84
iti gitarrak
matiliwko da liday
kasta met ragsak.

85
no uramennak
rumisrissik a liday
ungngoek gitarrak.

86 
no rabrabii
arakupek gitarrak,
ikkannak ragsak.

Popularity: unranked [?]