Soneto (01.12.09) – 1
Ni Honor Blanco Cabie
ita ta adda manen ‘ti bigbigat
lam-ek a di maulesan, ay! ta
agsubli dagidi tumagtagbat
lam-ek a nagbuneng, ‘wan asida.
ita innak manen malaglagip
balakad dakkelko a lalaki: no
dumteng salemsem nga addaan saplit
ken ‘tay buneng, bigat idigosmo.
napudot ‘diay danum no bigbigat,
idigosmo, saanka nga agbuteng
iti saplitna ken daydiay tagbat,
ibukbukmo, saanka nga agtukeng.
ay! ngem anian kuddot lamiis no
naibukbokkon, kumteren kudilko.
Popularity: unranked [?]
Leave a Response
You must be logged in to post a comment.
