Soneto (01.11.09) – 2
Ni Honor Blanco Cabie
anian gasgasatna ti apok,* a ta
ubing pay la ngamin, ania man ti
aprosanna, ‘tay isemna iti
nakuldingna mangted ti liwliwa.
‘diay waitress** ‘ti uneg papanganan
umisem laeng, iggananna pay
dakulapna, ‘diay isemna naruay,
pamedped ti awan nagyanna a tian.
kas kulibangbang ‘toy panunotko,
agalla-allatiw, no ngata ta siak
daydiay apok umisem met ngata
‘diay waitress nga adda ‘ti abayko?
adda ngata rugso nga inna ipuruak?
ikkannak met ngata ti liwliwa?
*mikhail bernard VIII, 13 a bulanna itay enero 11, 2009.
**wendy
Popularity: unranked [?]
Leave a Response
You must be logged in to post a comment.
