Soneto (01.11.09) – 1
Ni Honor Blanco Cabie
isu nga an-annadam dayta dilam,
saan a ti la adda a pangus-usaram…
–rose, laughing, while reminiscing with hbc
instances when the latter, in earlier years,
won against oratorical, declamation, debate
and extemporaneous public speaking co-competitors.
pudno daydiay kunan’ baket nga innak,
masapul nga innak, an-annadan
‘toy dilak, ta daytoy mangted ragsak,
mangted panunotko iti kaaduan.
ta no saanko a pilien daytay
umarubayan a gundaway ket
pardas ti aramatek, ay! liday,
wen, ta amangan liday daytay kumpet.
‘ti dila adda dita ti ilalaem
panunot ken rikna, adda dita
daytay mangted ragsak, mangted saem,
mangsair iliw ken ‘tay liwliwa.
ania koma ngamin pangusarak
no di ket dagitay mangted ragsak?
Popularity: unranked [?]
Leave a Response
You must be logged in to post a comment.
