Espesial a Miting ti GF: Enero 11
Maangay ti espesial a board meeting ti GUMIL Filipinas, ti gunglo dagiti mannurat nga Ilokano iti Filipinas ken iti ballasiw-taaw, inton Enero 11, 2009, 9 A.M., iti 14 Ayungin St., Talipapa, Novaliches, Quezon City babaen ti panangsangaili da agkaingungot a Dionisio ken Eden Bulong, kas impakaammo ni Baldovino Ab. Valdez, presidente ti gunglo.
Mapagpapatangan iti nasao a miting ti pannakaangay ti maika-41 a Kombension Nasional ti GF inton Abril 11-12, 2009 iti Novaliches, Quezon City.
Maigunamgunam ti idadar-ay dagiti opisial ken kameng ti BOD ti GF ken dagiti amin a chapter presidents wenno pannakabagida.
Maipalagip met nga agawaten ti Awards Commitee ti GUMIL Filipinas iti nominasion para iti Pedro Bucaneg Awards, ti kangatuan a pammadayaw para kadagiti mannurat nga Ilokano; Leona Florentino Awards, ti kangatuan a pammadayaw kadagiti mannurat nga Ilokana; Pamulinawen Awards para kadagiti pimmusayen a mannurat; ken Cornelio Valdez Awards para kadagiti nakaipaay iti di magatadan a tulong iti gunglo.
Para iti dadduma pay a detalye, agteks/umawag ken ni Rogie C. Baysa, sekretario-heneral ti GF iti CP 0921-3746452. (Leo S. Fagaragan)
(Bannawag, Enero 12, 2009)
Popularity: unranked [?]
Leave a Response
You must be logged in to post a comment.
