Miting ti GMM: Nob. 15
Maangay ti general membership meeting GUMIL Metro Manila, ti gunglo dagiti mannurat nga Ilokano iti Kamanilaan ken kabangibangna a probinsia, iti Lot 5, Block 75, Blue Boz St., Rizal, 1200 Makati City inton Nobiembre 15, 2008, Sabado, iti alas dies iti bigat iti panangsangaili da agkaingungot a Martin ken Teresita Rochina, kas impakaammo ni Ansel D. Cargo, presidente ti gunglo.
Malaksid kadagiti sabsabali pay a proyekto ti gunglo, mapagsasaritaan iti miting ti pannakarambak ti Maika-42 nga Anibersario ken Christmas Program ti GUMIL Metro Manila inton Disiembre 14.
Itoy met laeng a taripnong a maituloy ti serye ti ababa a lektiur kas pangparegta kadagiti mannurat a kameng ti GMM. Itoy maikadua a paset iti serye ti lektiur, tamingen ni Prof. Honor Blanco Cabie iti ortograpia Iluko.
Para iti dadduma pay a detalye, umawag ken ni Ariel S. Tabag, sekretario ti GMM, tel. 400-0089 wenno agteks iti 0918-7458792. (Ma. Rose A. Cabie)
Popularity: unranked [?]
Leave a Response
You must be logged in to post a comment.
