GMM Meeting inton Nobiembre 15
GUMIL Metro Manila
Gunglo dagiti Mannurat nga Ilokano iti Metro Manila, Inc.
GUMIL Filipinas Chapter, c/o Bannawag, Manila Bulletin Publishing Corporation
Muralla cor. Recoletos Sts., Intramuros, 1002 Manila
Tel: 4000-089; e-mail: gumilmetromanila@yahoo.com; Website: http://gumilmetro.org
Nobiembre 6, 2008
Patgenmi a Kagumilan,
Nabara a kablaaw, apo!
Sidadayawkami a mangipakaammo a maangay ti general membership meeting ti GUMIL Metro Manila iti Lot 5, Block 75, Blue Boz St., Rizal, 1200 Makati City inton Nobiembre 15, 2008, Sabado, iti alas dies iti bigat iti panangsangaili da agkaingungot a Martin ken Teresita Rochina.
Umuna a paset ti pannakaitultuloy ti serye ti ababa a lektiur nga angayen ti GMM tunggal general membership meeting— daytoy ti maikadua a lektiur a pangtrataran ni Apo Honor Blanco Cabie iti Ortograpia Iluko.
Iti miting, mapagpapatangan ti pannakarambak ti Maika-42 nga Anibersario ken Christmas Program ti GUMIL Metro Manila inton Disiembre 14, ken dadduma pay a proyekto ti gunglo.
Para iti dadduma pay a detalye, umawagkayo laeng iti telepono bilang 400-0089 wenno agteks iti CP bilang 0918-7458792.
Para iti balligi ti gunglo, namnamaenmi ti kaaddayo.
Iti nagan ti presidente,
Ariel S. Tabag
Sekretario, GMM
Ipapan iti Pagtaengan Rochina:
- Idiay Guadalupe, iti sango ti akin-un-uneg a Jollibee manipud iti EDSA, aglugan iti dyip a nag-signboard iti FTI; bumaba iti kanto ti Blue Boz, iti ayan ti overpass (umuna daytoy kalpasan ti Market! Market! . Bumallasiw. Sumrek iti kalsada iti sangi ti overpass. Iti kanto a kasinnango ti Aquabest , sumrek. No makagteng iti maikalima a balay, kablaawan ni Manong Martin iti Happy Birthday! .
- No mapukawkayo, umawag iti telepono 792-7567 wenno agteks iti 0917-740-5507 tapno maarayatnakayo ni Manong Martin.
Popularity: unranked [?]
