GUMIL Metro Manila

Mighty C. Rasing

Agay-ayus ti darak
iti pluma nga iggemko
Kas iti panagkadua ti tammudo
Ken tangan, dinto agsina
Ti panunot ken obra.

Apagbiit la nga agmaga ‘toy dara
Nga agarubos manipud kaunggan ti rikna
Bay-am nga agsayasay
Tapno dagitoy dungir ken sugat.
Nalaklaka nga umimbag.

Ket ti darak nga agaruyot
Iti daytoy a pluma
Mainmansa
Iti papel. Ken daytoy a papel
Dinto agkupas wenno madadael.

Bannawag, Hunio 12, 2006, panid 7

Popularity: unranked [?]