GUMIL Metro Manila

Silulukaten ti maikadua a nasional a salip iti saribitniw (sarita, bitla, daniw a napagtitipontipon) a pagtipkelan nga isayangkat ti Sir Pelagio Alcantara Development (SPADE) Foundation ken ti National Commission for Culture and the Arts (NCCA) ita a tawen. Maangay ti pasalip iti nailian a saribitniw iti kada tallo a tawen.

Kinuna ni retirado a Propesora Crescencia R. Alcantara, pangulo ti SPADE, a maysa daytoy a tampok ti 2nd Ilokano Literary-Cultural Festival a maangayto iti La Union National High School Quadrangle iti siudad ti San Fernando inton Nob. 30 – Dis.1, 2008.

Silulukat ti salip kadagiti amin nga Ilokano a mannurat nga adda iti pagilian. Libreda a mangpili iti tema wenno topiko a kayatda, ngem nasken a maibugas kadagiti pakisalipda ti kinapintas ken kinabaknang ti lengguahe ken kultura ni Ilokano, impaganetgetna.

Maysa a kabarbaro a klase ti literatura Ilokana ti saribitniw nga inimbento daydi Dios-ti-aluadna a Pelagio Alcantara, premiado a mannurat iti Iloko ken Ingles ken nagpaay a regional director ti Philippine Information Agency (PIA) a nagretiroanna idi 1995.

Dagiti dadduma pay nga annuroten:

1. Nasken nga orihinal ti pakisalip; saan a naipadron kadagiti immun-unan a nasurat wenno nangabaken a piesa.
2. Agatiddog ti piesa iti sangapulo a panid, di nasursurok wenno nakurkurang.
3. Nasken a maikompiuter daytoy iti short bond paper, doble espasio ken namarginan ti maysa a pulgada iti aglikmut.
4. Tallo a kopia ti pakisalip ti nasken nga ipatulod iti Saribitniw Secretariat, SPADE Foundation, Namnama Village, siudad ti San Fernando iti di naladladaw ngem Nob. 15, 2008. Pakuyogan ti pakisalip iti maysa nga electronic file (CD copy).
5. Awan ti mailanad a nagan (pudno man wenno parbo) iti pakisalip. Ketdi, pakuyogan ti pakisalip iti seliado a sobre a naglaon iti impormasion maipapan iti ababa a kabibiag ti autor, agraman address ken contact numberna.
6. Mapilinto dagiti finalists inton Nobiembre 25 ket maawisdanto a makilaban iti kampeonato a maangay inton Nob.30 iti La Union National High School. Ditoyto nga ibunnayogda dagiti napili a piesada. Kalpasanna, mapilinto iti akto dagiti mangabak babaen iti computerized judging system. Maiyawat dagiti premio iti dayta met laeng nga aldaw.
7. Dagiti premio: umuna a gunggona – P10,000 ken medalia; maikadua – P7,000 ken sertipiko manipud iti NCCA ken SPADE; maikatlo – P5,000 ken sertipiko; ken tallo a pangliwliwa a gunggona a sag-P2,000.00 ken sertipiko.
8. Maikkanto amin a makisalip iti sertipiko, kas pammaneknek iti pannakipartisiparda. Amin dagiti maisalip a piesa, agbalindanto a koleksion ti SPADE para iti bibliotekana.
9. Para kadagiti mayat a makisalip nga agdadamo nga agsurat iti saribitniw, addanto maangay a libre a seminar-workshop inton Okt. 30 iti Multi Function Hall ti DMMMSU – Open University System iti siudad ti San Fernando. Mangrugi ti seminar-workshop iti alas 8:00 ti bigat.
10. Kontaken ti SPADE babaen ti email: spade_bulletin@yahoo.com wenno iti CP No. 09297780854 para iti dadduma pay a saludsod wenno ad-adu nga impormasion. Mabalin met ti agtelepono iti Iloko Creative Writing, Continuing Education Program, DMMMSU-OUS iti telepono (072)2423608, iti panangimaton ni Dr. Ophelia Cardenas. (National Saribitniw Contest Secretariat).

Popularity: unranked [?]

Maangay ti miting dagiti opisial ken kameng ti hunta direktiba ti GUMIL Metro Manila, ti gunglo dagiti mannurat nga Ilokano iti Metro Manila ken kabangibangna a probinsia, inton Setiembre 20, 2 P.M. iti McDonald’s, Intramuros, Manila, kas impakaammo ni Ansel D. Cargo, presidente ti gunglo.

Mapagsasaritaan dagiti proyekto ti gunglo kas iti pannakaipablaak ti Saluyot, ti publikasion ti gunglo, ken dagiti serye iti panaglektiur.

Maidatagto dagiti mapagnunumuan ti hunta direktiba iti general membership meeting ti gunglo inton Oktubre 26 iti pagtaengan da agkaingungot a Rey ken Tessie Duque iti Tagaytay Royale Estates, Alfonso, Cavite— kagiddan ti pannakayawat ti gunggona dagiti mangabak iti Umuna a Salip iti Sarita ti Premio Reynaldo A. Duque.

Para iti dadduma pay a detalye, umawag iti telepono 400-0089 wenno agteks iti 0918-7458792. (Ma. Rose Cabie)

Popularity: unranked [?]

Pimmusay idi Agosto 21 ni Benjamin C. Gapasin, beterano a mannurat iti BANNAWAG, gapu iti nagkomplikasion a sakit. Agtawen iti 74.

Tubo iti Payocpoc Sur, Bauang, La Union, nagpaay pay ni Gapasin a presidente ti La Union Dramatic Club ken ti GUMIL La Union manipud 1978 agingga iti 1982.

Nagkolehio iti University of Sto. Tomas, sa iti University of the East, ngem iti Saint Louis College, San Fernando (City itan) ti nangiturposanna iti kursona a Bachelor of Science in Commerce, major in Management.

Nagsursurat iti daniw, salaysay ken sarita iti BANNAWAG, maysa kadagiti saritana, ti “Virginia”, ti nangyalat iti 2nd Honorable Mention iti Golden Leaf Literary Awards (1980).

Nairaman daytoy iti libro a Balitok ti Amianan (Vol. 3) a nakatiponan dagiti nangabak a sarita ken salaysay nga inedit da Dr. Godofredo S. Reyes ken Prescillano N. Bermudez.
Inulila ni BCG ni Regina a kaingungotna ken da Jocelyn, Melvin, Melchor, Manuel, ken Myline nga annakda. (Milagros Renon, GUMIL La Union)

Popularity: unranked [?]

SILANG NAGIGISING SA MADALING-ARAW;

Ang Nobelang Iloko at si Constante C. Casabar

Ni Noemi Ulep Rosal

INTRODUKSIYON

Sa kanyang librong The Origins and Rise of the Filipino Novel, sinabi ng kilalang manunulat, kritiko, at iskolar sa panitikan na si Resil Mojares:

The rise of the novel is tied to objective changes in Philippine society. The late nineteenth century is the key seminal period in the growth of the Filipino novel. Empirical tendencies…became more fully expressed. Economic changes in the colony, the holder intrusion of the contemporary world through the developments in trade and travel and the agency of a better-informed intelligentsia, the changing content of the European world itself, the emergence of native printing and publishing; these factors shaped a mileu which favored the rise of the novel.

Pahayag itong totoo hindi lamang sa nobelang Ingles at Tagalog kundi maging sa mga nobela sa bernakular.

(Basaen ti pakabuklan)

Popularity: unranked [?]